ຊ້ອງພວກເຮົາເວົ້າພາສາອັງກິດ ແມ່ນເຫມາະສົມສຳລັບຜູ້ທີ່ຢາກຝຶກເວົ້າພາສາອັງກິດ ຂັ້ນພື້ນຖານ (ເນັ້ນເວົ້າພາສາອັງກິດໃຫ້ເປັນພາຍໃນ 3 ເດືອນ). ມາຝຶກເວົ້າພາສາອັງກິດໄປພ້ອມໆກັນກັບຕິດຕາມຮັບຟັງເລື່ອງລາວຂອງນາງແຄນດີ້ທີ່ມາຮຽນຕໍ່ຢູ່ຕ່າງປະເທດ. ໃນແຕ່ລະຕອນ, ຜູ້ຟັງຈະມີໂອກາດໄດ້ຮ່ວມສົນທະນາ ໂດຍການເວົ້າສິ່ງທີ່ນາງແຄນດີ້ຄິດຈະຖາມຜູ້ຄົນທີ່ລາວພົບປະໃນຊ່ວງເວລາທີ່ປະຫວ່າງໄວ້, ຫລັງຈາກນັ້ນບໍ່ດົ່ນ ສຽງຂອງນາງແຄນດີ້ຈຶ່ງຈະເວົ້າຂຶ້ນມາ. ຖ້າສິ່ງທີ່ຜູ້ຟັງເວົ້າມາຍັງບໍ່ທັນຖືກຕ້ອງ ຜູ້ຟັງຈະມີໂອກາດໄດ້ເວົ້າຕາມຫລັງແຕ່ລະປະໂຫຍກ ເຊິ່ງນັ້ນຖືວ່າເປັນການຝຶກເວົ້າ ແລະ ການອອກສຽງພາສາອັງກິດທີ່ໄດ້ຜົນດີຫລາຍ